【點新聞報道】炎炎夏日，不少人會攜帶手提風扇消暑，惟近日有女網民大呻，搭港鐵期間，頭髮被扯入一名女乘客的手提風扇內，令她驚恐不已，然而對方卻態度惡劣，「真心黐X線，我啲頭髮食咗風扇仔入面，強行比佢扯出嚟 」，直斥「真係咩人嚟㗎」。
女事主在社交平台threads發文講述事發經過，指當時搭乘西鐵落車時，頭髮被扯入一名女乘客的手提風扇內，令她驚恐不已，「啱啱搭西鐵，落車時，比條女嘅風扇仔扯咗我啲頭髮入風扇入面，我驚到捉住頭髮，阻止扯更多入去」。然而，對方卻態度惡劣，「條女若無其事，走咗去，我拍佢膊頭，話你風扇仔扯斷我啲頭髮呀，道歉啦，佢話道咗歉，但我聽唔到」。
女事主嬲爆指，對方扯斷她的頭髮，頭皮痛緊，「真心黐X線，我啲頭髮食咗風扇仔入面，強行比佢扯出嚟 」。事主批評對方態度好有問題，「佢急急腳走咗」，直指「佢咁嘅態度道歉先令人嬲」。
帖文引來網民熱議，「睇到都覺得痛呀」、「呢啲意外好恐怖」、「應該追住嚟X，呢啲意外後果好嚴重，唔係道咗歉就無事，更何況佢都無道歉」、「比我就扯翻佢一炸頭髮打和 」。
有網民建議事主應要報警，「可以報警㗎，頭髮都係身體一部分」、「已經可以報警，傷人 」、「身體髮膚受諸父母，報警啦」、「我記得以前有單喺巴士剪人頭髮都被人拉咗傷人，其實你應該報警」。
收藏
取消收藏
分享
稿件由上傳 · 文責自負 · 不代表本網立場
