【點新聞報道】不斷吹噓英國無限好嘅移英「黃師」、網名為「香港老師也移民」，原來一直最想念香港的住家菜，話自己食到鯇魚開心到喊，慨嘆「移民之後由頭嚟過，所有事情得來不易... ....人要知足先快樂」咁話喎。
移英「黃師」在社交平台興高采烈地發文話喺英國食到鯇魚，「識我嘅人都知我由細到大都好鍾意食鯇魚，移民之後四年冇食過鯇魚，唔係講笑，噚晚我食咗第一啖，已經喊咗出嚟」。「黃師」話自己喺倫敦四年，一直都冇放棄過搵鯇魚，「去過倫敦無數咁多間嘅中超，連蘇格蘭、曼城啲街市睇過，都唔見。」
最近終於被佢喺倫敦唐人街嘅中超買到鯇魚，「黃師」懶巴閉咁話「竟然噚日畀我搵到黎自匈牙利嘅鯇魚，得三舊唔同嘅部位，我即刻買晒返屋企」，但又怕見光死被人搶晒，「呢舊冰鮮鯇魚響倫敦唐人街嘅中超買到，唔好問我邊間，我係唔會講嘅」。她當晚即刻蒸嚟食，形容「超級好味，係回憶嘅味道，幾多錢都買唔到」喎。
「黃師」亦不忘晒命話自己喺英國的收入多過喺香港，「離開香港實在失去太多，我要一百倍賺返！而家我哋一家嘅收入，每個月交晒稅、NI、pension之後，已經多過響香港，仲賺咗自由、舒適嘅居住環境生活空間，非常感恩」。
帖文惹來不少網民揶揄「攞嚟賤！」、「我見到鯇魚就唔想食，我食開斑」、「能夠成為一個西人乞兒，仲要有鯇魚食，算係乞兒中嘅皇帝喇」、「啱㗎啦！過到去先知咩叫知足常樂！咁咪好囉！撐住呀！」、「必須要呢種經歷先懂得珍惜」、「有聞煮鼓油，食到鲩魚係開心啲嘅」、「路是自己揀，XX唔好喊」。
收藏
取消收藏
分享
稿件由上傳 · 文責自負 · 不代表本網立場
