【點新聞報道】有計劃移英的港人諗定縮數，想靠福利金過日子。有港男在網上發文圍爐，問綜援長者移英後點樣攞福利，結果惹來一眾網民冷嘲熱諷。
有港男在fb群組「香港人移民英國資訊分享」發文，問網民移英後點樣攞福利，「請問老人家香港有綜援和傷殘津貼住老人院，過到英國，政府會有援助嗎？」。查實英國公共福利，基本上只有英國籍或有永居身份的人，才有資格領取公共福利。
不少移英網民留言嘲諷樓主大想頭，「人未過來，對社會零貢獻，已經問到咗英國有咩福利」、「咁快想攞社會福利？」、「5+1之前都唔洗諗，而家講緊嚟到有貢獻先得，冇貢獻分分鐘不停畀錢續Visa」、「你對英國有冇貢獻先，冇貢獻你想攞福利」，有網民更揶揄「send老人家去阿富汗再用艇送佢哋來，乜都有」。
收藏
取消收藏
分享
稿件由上傳 · 文責自負 · 不代表本網立場
