【點新聞報道】由葉童和黃德斌主演舞台劇《唔講得》去年11月首演叫好叫座，早前於吉隆坡及廣州兩地的巡演同樣成功。該劇決定於9月在文化中心重演。
日前劇中五位演員包括葉童、黃德斌、楊永德、翁煒桐和李俊樂進行新一輪排練。黃德斌指這次重演是新鮮的體驗：「因為今次有啲唔同，會以音樂方面處理方式，我會當佢係一個新劇去做。」
葉童說：「我同德斌喺上年合作呢個劇，之後我哋去咗幾個地方演出，今次同德斌再合作有一種熟悉的距離感，唔知係咪一種感情嘅升華，就好似要行番遠少少去觀望他，我覺得佢好似迴避緊我，開始對我有距離感！冇嘢嘅，我接受到嘅，有啲你唔想講嘅就唔好講，我明有啲嘢係唔講得嘅。今次重演我哋有個新嘗試，我們原本係鬧交，鬧鬧吓就不如『唱』佢好似好啲。」
德斌就說：「我哋會喺現場互『唱』 ，將裏面一啲心底話『唱』出嚟。」葉童續說：「我唔單止會獨唱樂壇大姐大嘅歌，我仲會同德斌合唱一首天王天后級嘅歌，去『唱』出我哋係劇入面嘅心情。我有一種『唱』德斌唱得好澎湃嘅感覺，我會周圍去『唱』佢。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
