【點新聞報道】「Remember記得・鍾嘉欣演唱會」繼廣州、佛山及深圳後，昨晚假惠州江北體育館舉行第四站個唱。今次是鍾嘉欣（Linda）首次到訪惠州，但觀眾對她並不陌生，全場爆滿，她大叫感動。但全晚高潮是曾合演《巨輪》的陳展鵬擔任嘉欣，相隔多年再次合唱《都是你的錯》，掀起無限回憶殺。
Linda表示：「其實我對上一次同展鵬喺台上合唱，係大概10年前喺美國登台，之後大家就冇再見過面。」Linda透露再次跟展鵬合作，勾起不少合作《巨輪》時的回憶，她大讚展鵬是個非常認真、心思細密的演員，是她非常欣賞的人，Linda說：「初認識展鵬時，覺得佢好似張學友『mix』superman，張學友係一個我好欣賞歌手，所以我今次點歌，希望展鵬可以唱一首學友嘅歌，展鵬好好，佢真係應我要要求唱學友嘅《真情流露》。」
問到Linda為何會邀請陳展鵬作嘉賓？Linda指：「同展鵬曾經合作過《巨輪》，好有CP值，好想畀番觀眾一個回憶，同埋我覺得展鵬唱歌好好聽。」
此外，Linda即將8月中到中山舉行第五站個唱，她形容今年是她豐收的一年：「今年係音樂年，工作上，做到好多新嘗試，亦做到好多自己鍾意做嘅事情，真係好感恩；嚟緊我會出幾首新歌，主題都係醫治心靈作用，只要能夠帶到力量畀人，我都會繼續做，簡簡單單做好每日工作，珍惜每次機會，就係現時我嘅生活。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
