【點新聞報道】無綫全新歌唱大賽《聲秀》，經過超過為期兩個月的海選及特訓，精選了25名平均年齡低於21歲的歌唱潛力新星。《聲秀》於7月27日正式展開，但本周日（20日）製作組製作了名為《聲秀 序曲》的預熱式節目，屆時除了有25位新星自我介紹短片，還有七大導師蘇永康、譚耀文、劉浩龍、吳浩康、泳兒、鍾舒漫和胡鴻鈞的訪問。
於1988年獲得《新秀歌唱大賽》金獎的譚耀文，雖然投身演員行列後未有唱歌多年，但他坦言從未放下對歌唱的熱愛。阿譚更笑言希望可以做到「傳承」：「我會希望加上我以往嘅舞台經驗同演戲經驗，可以幫助到學員歌曲傳達訊息嘅技巧。」泳兒亦坦言得獎後的道路並非一帆風順。至於1997年《全球華人新秀歌唱大賽》金獎得主劉浩龍（師兄），則搞笑自揭「師兄」名字由來：「贏咗新秀之後，我喺TVB做咗幾年主持，甚至冇做娛樂圈嘅工作、出咗去賣錶，好辛苦好辛苦。終於2004年可以做到歌手，我第一支派台歌就係《師兄》。」
談到挑選學員準則，最霸氣非吳浩康（阿Deep）莫屬，阿Deep除了自己本身唱得，還已經當了九年歌唱老師。阿Deep聲稱自己「咩聲都Tune到」：「我覺得態度好緊要，肯唔肯學、肯唔肯練，因為唱歌唔係話你點一點我、我就明白同開咗竅。當然聲底好會有優勢，但我係無論咩聲都tune到，唱功我亦可以再教佢。」
節目還有不少珍貴的當今紅星昔日比賽片段出土，包括黎明一本正經獻唱《絕對空虛》、車婉婉在跑步機上獻唱《一起走過的日子》、還有陳奕迅與楊千嬅參選新秀時於現場玩遊戲片段，當年的Eason身形弗爆程度更是讓人一見難忘。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
