【點新聞報道】在巴士站候車時，應排隊等候，切勿「打尖」。近日有網民發文指，自己遇到一名大媽從隊尾衝前企圖「打尖」上車，還聲稱自己「排第一」，惹來一眾排隊乘客公憤。
一名女網民在fb群組「屯門公路塞車關注組」發文講述事件，指早前在銅鑼灣乘搭城巴過海巴士962X時，遇到該名大媽，當時巴士到站一開門，大媽即衝去隊頭想上車。樓主見狀一手捉住大媽叫佢排隊，豈料對方聲稱自己是「排第一」，結果惹來樓主後面十多名乘客的不滿，並一同圍罵大媽，「我後面十幾人一齊X佢，原來有個後生一齊嘅排喺隊尾，大媽衝上嚟當排頭位」。
從相片見到，當時巴士正駛往屯門，戴着「黑超」、穿黑色上衣的大媽走到巴士車廂上層，樓主指「由於太多人X佢，佢上咗上層見唔對路，行返車頭嗰邊搵位」。樓主又補充「到落車差不多太陽落山，佢都唔除副墨鏡）#屯門人團結的力量」。
帖文引來網民熱議，大讚樓主及其他乘客「做得好」、「團結就是力量」、「啱啊，啲阿伯阿嬸好鍾意咁樣，係要出手推或擋住佢哋就啱」、「你真係好彩，有人幫拖，我試過無數次無人幫拖，亦都見過無數次啲人都由得呢啲人打尖唔出聲，希望香港人真係可以守望相助守護」。
有網民則分享類似經歷，「唔係剩係老年人，我幾次見後生女仔都打尖」、「噚日我坐261上水都係咁。唔好睇佢哋幾十歲拎一袋二袋，其實都好靈活，俾人一厲佢哋就會扮傻問司機嘢......面皮厚到呢，太多數都肯定係慣犯～所以一定要出聲！」、「其實搭西鐵都係咁，好多阿伯阿嬸唔排隊，企喺最後面，車到就一支箭喺中間攝入去車廂。不過好多人都隻眼開隻眼閉」。
收藏
取消收藏
分享
稿件由上傳 · 文責自負 · 不代表本網立場
