【點新聞報道】提起茶餐廳，就會想到「平、靚、正」。不過，近日有網民在社交平台上發文，指早前到太子一間名牌茶記用膳，點了1份西式炒通粉及1杯凍檸茶，埋單承惠82元，帖文引來網民熱議。
有網民在fb群組「香港茶餐廳及美食關注組」發文表示，日前光顧太子金魚街一間名牌茶餐廳，點了1份西式炒通粉及1杯凍檸茶，味道不俗，但埋單要82元，「有D貴82蚊，但好食 ~ 西炒通粉+爆檸」。從其上載的相片可見，西式炒通粉的配料有火腿、腸仔、番茄、青豆及蛋。
帖文引起網民熱議，「頹飯料加茄汁炒通粉，真係呃鬼」、「炒通粉82，好食都五值啦」、「喪心病狂價格」、「掉錢落海，通粉一包15蚊，可以煮5、6次」、「 智商稅收70蚊」、「搵笨」、82，仲話平，早餐喎？拍住酒店的價格！」、「真係水魚價，通粉腸仔番茄火腿成本咁平」、「咁嘅價錢我不如行去鋸扒好過」。
不過，有網民相信樓主「散叫」才會咁貴，「可能無餐，60炒通粉，22凍飲。不過，就算係咁，我都唔會叫囉。」、「唔係餐嚟，分開叫完全唔貴」、「看清楚，炒通心粉$60，飲品$22，因為散叫先比較貴。」惟有網民認為「通常凍飲都係加幾蚊轉餐，仲要咁樣分開計，咪有啲劏客嘅感覺囉！」
收藏
取消收藏
分享
稿件由上傳 · 文責自負 · 不代表本網立場
