【點新聞報道】不少移英家長聲稱移民是為了子女將來着想，冀有更佳教育環境，豈料倒頭來還是離不開競爭風氣，追逐名校的怪獸家長模式。有移英港人發文直指，移英家長為了子女能入讀當地的文法學校(Grammar School)不惜扭盡六壬，又報考又搬屋咁，揶揄「倒不如留返響香港追逐傳統名校考啦」。
該名移英港人在社交平台threads發文嘲諷一班移英家長辛苦過到英國，又玩返自虐遊戲，撲來撲去搵「好學校、名校」。樓主提到移英家長的競爭風氣嚴重，「明明自己個catchment都派唔到grammar school，點都要幫仔女報咗11+先，考夠分就可以同人講，仔女成續有幾好，唔使出去補習，淨係自己買補充練習返屋企畀佢哋做就得。再唔係，為咗入grammar school，又話要買屋搬，又要將原本間自住屋強行租出去，真夠大陣仗。」
明知帖文會引來移英家長的追罵，「唔入好學校，唔通爭住入差嘅學校？」、「人哋考到，又有能力搬，咪祝福人哋繼續加油，紅眼症helps nothing」。所以樓主已經「戴定頭盔」利申話，「咪話我眼紅人哋，直接認咗先，係唔抵得人哋仔女讀書叻，又入到好勁、好叻嘅grammar school！」。
收藏
取消收藏
分享
稿件由上傳 · 文責自負 · 不代表本網立場
