【點新聞報道】又有借錢黨出沒！有港男日前在社交平台發文指，凌晨3時駕車途經錦上路石湖磡路口時，遭一名男子攔車求助，聲稱外婆急病入院，急需借300元應急，結果就一借無回頭。事件曝光後，有網民指出該男子疑似是慣犯。
男事主在社交平台threads發文講述事發經過，指本月12日凌晨3時許，駕車途經錦上路石湖磡路口時，遭一名男子攔車求助，對方聲淚俱下地表示外婆正於瑪麗醫院急症室，自己身無分文，希望能借300元，「我入緊村泊好車係我車隔離hi我，跟住喊晒口話佢啊婆入咗急證，瑪麗醫院，問我借300，佢冇現金」。
該名男子還強調「唔係壞人，唔好當我乞兒」。樓主遂要求對方以轉數快還錢，但該男子就以「喺台灣番嚟兩個禮拜咩都未整冇轉數快」為由拒絕，並為取信樓主，自稱在銅鑼灣任職髮型師，留下電話號碼承諾翌日還錢。
樓主見對方好眉好貌、口音純正，且情況緊急，又喊晒口，最終答應借出300元。惟翌日致電對方時發現電話無法接通，於是翻查車Cam驚覺該男子早已埋伏「原來佢企喺大路邊跟住我入村」。
帖文引起網民熱議，有人指男子疑似是慣犯，「好彩，我都差啲中招」、「我都遇過，又係我泊完車係車場門口拍我，又係一樣對白，又話自己住乜乜花園，我叫佢去地鐵站搵警察幫你，跟住無理佢走左」、「我中過 ！畀咗200蚊佢，佢啲演技好勁 ！三秒內喊得出」、「原來而家轉咗場去錦田搵食，之前成日喺沙田呃人錢，話自己係陳慧敏契仔」、「我都係佢，俾咗兩舊水佢，銀包仲有$100人民幣都攞埋」。
有網民就提醒要提高警覺，「記住：急症唔駛即畀，佢會寄信問佢攞返。任何睇急症問人攞錢根本唔駛理」、「錦上路點會去瑪麗，去都去北區醫院嗱」、「太多騙子，講到金錢一定不會比，香港有警方。打999一定幫到他。到了醫院重方便，警員24小時都有人，又有提款機。現騙子太多 」。
收藏
取消收藏
分享
