【點新聞報道】香港一名男子早前在路上拾獲他人遺失的信用卡，隨即將卡交還銀行櫃員機「食卡」，並分享至社交平台通知失主。然而，不少網民擔心此舉可能反令事主被誤會為「盜卡犯」，建議應直接交給銀行職員或警署。
事主在threads發文，列出信用卡卡主英文名，指其Visa卡掉在路中心，「我幫你執咗，你聯絡銀行啦」，另外附上一張銀行櫃員機「食卡」畫面。
有網民質疑事主做法是否違法，建議應交予銀行職員或警署。事主則表示拾卡當日是周日，銀行未有開門營業，附近商場保安也以不是在商場內拾到而拒絕接收，警署則位置太遠「我有喺滙豐app聯絡客服但未有人回我，同埋有影住個過程叫做做少少嘢自保，相信無事啩」。
有網民就批評，「如果張卡已經俾人盜用咗，然後那個人掉咗張卡喺條街度，你又好心幫佢入返落部機度，咁啱佢又報咗警，ATM個cctv又影到你，你覺得你會點？最簡單你剪咗張卡，佢自然會打去銀行cut卡，銀行咪又會寄畀佢，我覺得你多舊魚！」
不過，亦有網民力撐事主，稱「做好事又會俾人X多餘，你話香港社會唔冷漠點得，應該掂行掂過，咩都唔知咩都唔理就最唔多餘」、「樓主已經好心地，唔明仲要鬧」、「發覺喺街執到嘢，無論個處理手法係點，都一定會有反對嘅聲音，點做都係錯」。另有人表示，讓銀行櫃員機「食卡」後不用特別通知卡主，「唔使聯絡，試過食卡，等4個工作天就寄返張新畀你」、「銀行會自動補發新卡畀佢，舊嗰張會直接銷毀」。
收藏
取消收藏
分享
稿件由上傳 · 文責自負 · 不代表本網立場
