【點新聞報道】近日香港多區出現網購自提點「爆倉」亂象，有街坊要苦等3、4小時才成功取貨，店員則忙到團團轉，應接不暇。近日有網民發現一則招聘自提點店員的廣告，每星期工作6天，月薪只有約$14,000。有自提點員工則在網上發文大呻，要連續工作17小時，怒轟客人犯賤、自私、「我真係第一次做到我冇晒心機！」
有網民在勞工處求職平台發現招聘自提點職員的廣告，該職位名稱為「售貨員/店務員」，職責為「於店鋪內為顧客提供專業及親切的服務，以達至銷售目標；一般集運自提點工作，主動有禮地解答顧客的查詢」，工作地點在荃灣西，時薪每小時55元至60元，每日工作9小時，早上11時至晚上8時，每周工作6日，輪休。招聘列明，應徵者須具有專上教育程度，一年工作經驗，懂一般粵語、普通話及英語。
不少網民對自提點職員的薪酬待遇感到失望，「55蚊一個鐘，每個月都係萬四左右」、「比最低工資略高」、「做保安都唔止呢個人工」。
一名22歲的自提點職員在社交平台threads發帖大呻工作辛酸，指自己的店舖晚上7時收舖，「我已經執舖執到1910（晚上7時10分）先開始埋數，我已經連燈都閂埋」，但仍有客人堅持要取件，「攞埋我你先走啦，好快啫」、「點解你唔識體諒我，畀我攞埋」、「反正你都未走，拎埋我都冇所謂啦」、「OT攞埋我咪啱」。
他表示，「自己幾乎返7日有6日都OT（超時工作）」，平日一至六要工作11小時，有時甚至由早上7時至晚上12時」。他指星期日開上10時至晚上7時，但客人仍不放過他，「難得有日可以畀我準時收到工 點解你哋要咁自私唔畀我走，我想休息下 約下frd 自己一個去行下街 點解咁樣都唔得」
他怒轟客人犯賤、自私，「.你哋可以攞完貨，返屋企嘆冷氣，其實我唔係㗎，我仲要自己執好個場佢......點解唔下次早啲嚟攞？......你係要等我收工嘅時候嚟攞。唔好咁犯賤啦，唔好咁自私啦。」
他透過已經辭職不幹，「以前幾攰都唔緊要，我真係第一次做到我冇晒心機，做到我隻手舉唔高，我隻腳又痛，我22歲咋」。
收藏
取消收藏
分享
