【點新聞報道】正所謂人離鄉賤，許多港人盲目跟風移民，到埗後方知寄人籬下的滋味絕對不好受。近日有移民加拿大的港女發文自述，去加國後整個人好內耗、好摺，為咗自己的身心靈健康，如無意外應該決定返香港。
該名移加港女在社交平台threads發文表示「如無意外應該決定返香港了」，她剖析這個決定的原因，「唔係為咗錢，更多係為咗身心靈健康，嚟咗之後個人好內耗、好摺，無乜信心依個狀態撐過一個冬天，返香港起碼有屋企人、朋友陪下。」
樓主提到當地返工好大壓力、好沮喪，「有冇人好似我咁返工返到好frustrated? 返緊西人工，需要大量small talk同chitchat，日日返工覺得自己啲英文比一舊屎更屎」。對於好多人都話多倫多返工無壓力、輕鬆好多，但樓主卻剛剛相反，「我都係覺得好大壓力，自信心低落，覺得自己勝任唔到，好想裸辭搵過份，但發覺無咁既資本去辭職 。」
樓主坦言感到自我懷疑，「無工返既時候，懷疑自己；有工返既時候，懷疑自己；見其他人適應得好好既時候，懷疑自己」。幾經考慮之後，樓主決定回流返港，「雖然本身對多倫多不滿，但到要諗係咪走嘅時候，都係會諗好多嘢」。
樓主並提議一齊圍下爐，結果引來不少計劃或已回流的網民留言，「Me!!! leaving in two weeks ! 」、「接受唔到一街homeless 廢人治國，冇小朋友幫手攞福利，決定回去(香港)」、「我上年8月去（加拿大），今年2月返（香港），一樣多倫多，個邊好彩有朋友有車有樓support，但係運氣太差。有interview 但連TT 都唔請，又太悶，所以返咗香港，唔係真係生活唔到落去。」、「下個月返香港... ...我自己喺呢到人工少咗，生活消費冇以前咁自由，返工受歧視，好自然會想返去。」、「啱啱返咗嚟多倫多，覺得多倫多真係唔係好掂又想返返香港。」、「我喺溫哥華，啱儲完鐘了9月返香港 」、「下年入咗籍即走」。
另有移加網民大嘆好想回流，奈何被家庭因素耽誤，「明白你的感受，我過咗嚟加拿大三年幾，愈來愈 i ，做人信心都流失緊咁，又沒根的感覺，為細路過嚟，好想有日可離開這裡」、「你就好啦有得走，我老公要等佢老豆老母唔響度先離開加拿大，但問題係呢度啲老華僑個個九十幾一百歲命，我唯有同佢地鬥長命」。
收藏
取消收藏
分享
