【點新聞報道】移民後才知英國不如想像中美好，卻又無法走回頭路。有獨自移英4年的港女在社交平台發牢騷，直指「呢4年我做過啲咩呢？」，帖文引來不少移英網民共鳴。
該名移英港女在社交平台threads以「嚟咗英國四年後嘅一些碎念」為題發文，指自己移民英國4年，歲數一下子大了好多，見到朋友成家立室生仔買樓，不禁問自己：「呢四年我做過啲咩呢？」。
樓主慨嘆移英後社交能力大減，「一來唔想講英文，二來可能有啲社交恐懼，唔想識人，以前喺香港建立嘅career path都冇咗，覺得自己冇信心可以再搏殺返去，更加冇動力，只係想做到 minimum就算。」而且在英國「錢又儲得唔多」，樓主不禁懷疑自己是否適應英國的生活，「好似適應咗英國嘅日常：買餸、煮飯、生活，不過，問返自己『係咪真係適應咗？』又好似唔係」。
樓主坦言對未來感到迷茫，「如果問我十年後會點？會喺邊度？會唔會又失驚無神去咗第二個國家？我唔知」。她惟有自我安慰、放低要求，「所以我同自己講，唔好對自己要求咁高啦，呢幾年係休息也好療傷也好，唔好同人比較，用自己嘅速度行就已經好好了」。
樓主又講述移英後的生活態度轉變，「之前喺香港都會出去social下，而家就畀我揀都係揀留喺屋企，不過而家留喺屋企好忙又要做家務跟住又做下啲手作仔打發下時間，唔會好似以前喺香港咁，一悶就想出街買嘢食」而在英國的日常，樓主就指「真係日日plan下今日煮乜就一日，不過呢啲生活喺香港係完全感受唔到，而家可以靜落嚟諗下嘢，學下嘢」。
帖文引來不少移英網民共鳴，「同我處境一模一樣，過咗嚟七年，真心朋友冇幾個，香港嘅connection完全冇晒，除咗自己返工同埋禮拜六日自己出去玩之外，完全係冇同其他人接觸過」、「完全道出我心聲，雖然呢邊（London）有幾危險... ...但住咗幾年，生活簡簡單單，條命係長咗（雖然我又間唔中受傷，被人搶手機之類）共勉之」。樓主則回覆，「London真係唔敢自己一個人去，都好嚴重下」。
收藏
取消收藏
分享
