【點新聞報道】早前有男子疑假冒消防員與女網友豪食海鮮後「借屎遁」，最終被警方拘捕。近日再有一宗類似「呃飯食」事件，有港女在社交平台指在交友App認識一名男子後，首次見面對方就「食完唔找數」逃去無蹤。
該名港女在社交平台threads以「HMD呃飯」為題發文指，自己與該男子透過交友平台認識，雙方相約於元朗一間茶餐廳見面，結果對方食完即匆匆離去，最終沒再出現，「呢條友聲稱住屯門，喺元朗食，狂食，食得勁快，食完急急腳走出去，走單！」。
女事主其後補充，「我話食茶記，AA，佢話好，佢請，最後佢好似前世未食過嘢咁，仲食完走咗去」。從相片可見，該名身穿白上衣、戴上口罩男子，其間不斷講電話、玩手機，女事主上載當日的帳單，合共247元。
帖文曝光後，有苦主現身聯絡女事主，指自己被該男子騙去8,000元，「一蚊都冇Ｘ還過，仲封Ｘ我」、「PO埋上FacebookX都扮傻」。
帖文也引來大量留言回應，「茶記都呃？」、「約陌生人食嘢 我會去嗰啲畀錢買一份嘅地方，千祈唔好畀機會佢」、「試過約App d人食food court同麥記，係都話唔去，係都話要打邊爐同燒肉放題」、「咁無大志， 係都學假冒消防呃幾千啦」、「算啦，當請乞衣食飯」。
收藏
取消收藏
分享
稿件由上傳 · 文責自負 · 不代表本網立場
