【點新聞報道】再有人在公眾地方「偷電」！一名中年女子周日晚公然在天星小輪上「拉線偷電」為手機充電，煲電話粥，最後被水手上前制止。帖文引起網民熱議，有人形容場面有如「時代廣場煲西米露翻版」。
一名乘客在社交平台threads發文並上載影片，指周日（13日）晚上約9時08分，乘搭由灣仔前往尖沙咀的天星小輪，其間一名身穿紅衣的大媽，將白色充電線接駁至船頂插蘇，邊充電邊講電話，「埋岸前個大媽叫個男人幫佢將個插蘇插上上面。」樓主坦言當時未出聲阻止，「我淆底冇出聲啦，同船都冇人出聲。」最後落船時，樓主才向船上水手舉報，「個大媽等人落晒船咁滯仲差緊電」，其後水手似乎有上前制止。
從其上載的影片可見，插蘇設於船艙天花板位置，距離地面約半個人高度，樓主笑言，「有times square煲粥feel」。
帖文引起網民熱議，「可以帶插蘇出街但唔帶尿袋，其實究竟咩玩法？專登玩膠定係真心膠 」、「偷電，拉得」、「下次可以帶埋個煲上去煮個麵食」、「叉到電咩？以前做過天星小輪電器，佢哋行DC個喎」、「無恥嘅冠軍」、「唔明點解成日要差電，電話連一日都捱唔到？」。
另有網民分享其他偷電情況，「佢哋真係好癲，我上個星期喺銀行都見到個大媽用插頭叉電」、「海港城都見過，一間名錶店旁！」、「試過啦，直接入我舖門口掣位叉電」。
收藏
取消收藏
分享
稿件由上傳 · 文責自負 · 不代表本網立場
