【點新聞報道】不少人都喜歡網上購物，但炎熱的天氣更易導致食物變質，所以網購食物前一定要三思。有港女近日在拼多多以低價38蚊人民幣（約港元$40）購買兩盒生蠔直送香港，試吃後大讚新鮮美味並分享帖文至Facebook群組，引發網民對高溫跨境運輸下生鮮食品安全性的質疑。
港女直言自己「第一次拼生蠔」，只見相片顯示裝生蠔的盒子被發泡膠及保溫袋包裹着，盒內約有50隻生蠔。生蠔浸泡水中呈現藍黑色，看起來並不是十分新鮮，網民直言「睇到都唔敢食」。
帖文引起網民熱議，不少網民表示此舉與「拼命」無異，認為其勇氣可嘉，直言「天氣咁熱隨時變拼痾痾！」、「拼多多你係咪睇錯咗做拼命多」、「生食物都敢拼，好嘢！」、「而家點都要3、4日先岀境到香港，我諗佢屙到講唔到嘢」、「其實街市賣20蚊一斤咋」、「唔好食到食物中毒去浪費香港醫療資源」、「用生命嚟試驗」、「最後的晚餐？」、「食完有冇屙到七彩」，「呢個食完之後要七日後先返到屋企」、「樓主可能恆河水都夠膽飲」、「原來咁都入得境」、「淘大型電器搞到爆炸已經過時」，更有網民諷刺表示「金魚都寄到落香港，生蠔有幾咁出奇，拼多多嘅嘢唔出奇，下次可能兔仔狐狸仔都得」。另有網民質疑其評價過於誇張，因近日天氣十分炎熱，生蠔在運送過程中必定發臭變味。
收藏
取消收藏
分享
稿件由上傳 · 文責自負 · 不代表本網立場
