【點新聞報道】自英國政府有意將移民入籍條件延長至「10+1」後，英國移民圈子就分為兩派，有的揚言加到20年都不走；有的就哭喪着臉，直斥英國違反承諾。近日有支持平權的移英港人就用激將法於社交平台發文話，入籍安排應延長至「50+1」先啱，話咁就可以確保所有人都唔會攞完護照即刻走，而且50年係足以證明到嗰個人對英國嘅忠誠度喎。
該名移英港人在社交平台threads以「有心留10+1 都一樣啫，除非攞完護照就走㗎啫」為題發文，表示「講邏輯，10+1其實都確保唔到嗰個人10年後唔會走，如果以護照為目標就走嘅話其實10+1都係一個短時間，你確保唔到佢未來都會留喺英國，所以我覺得如果真係想留低呢班人，其實50+1先啱，咁就可以確保所有人都唔會攞完護照即刻走。因為攞完本護照都夠秤拎到英國福利，而且50年係足以證明到嗰個人對英國嘅忠誠度，咁樣嘅話，重點會走？」
查實，樓主十分不滿英國擬將現時BNO簽證下的「5+1」年入籍安排，延長至「10+1」，直指「老老實實，本身講5+1就5+1，任何變動都係違反當初嘅承諾」。樓主同時力斥對於策變動無動於衷的移英港人，「當然有啲人大把錢，又或者天生鍾意反口覆舌，或者係好早上咗岸又唔想見人好嘅人，唔係我諗唔明點解有人覺得變10+1係冇問題」。
有網民亦有同感，留言表示「政府就一定係Ｘ街，但係坐政治順風車嘅何嘗又唔係呢？10+1都係一個照妖鏡來嘅 」、「50+1先夠照喇咁」。
收藏
取消收藏
分享
稿件由上傳 · 文責自負 · 不代表本網立場
