【點新聞報道】港鐵朗屏站日前發生爭執事件，一名男子因不滿被一位女士撞到，竟轉身大力推人膞頭，其後更「撻朵」自稱三合會成員。有網民見狀將過程拍下放上網「尋人」，引起網民嘩然。
一位網民在社交平台threads發文「尋人」，指周三（9日）中午12時許，在港鐵朗屏站，「有個好溫文嘅姨姨落車嘅時候唔小心撞到佢一下，已經即刻講唔好意思，佢即刻轉身大力推個姨姨膊頭，我即刻拎起手機，點知佢出咗車之後真係調返轉頭繼續鬧，自稱新x安成員」。
從其上載的影片可見，一名身穿黑衣男子站於月台,喝罵車廂的女子，「踢X到我唔X講對唔住？我新X安㗎，X你老母」。車門關上時，男子仍邊走邊罵，一名想調停的男子亦被他指罵「嘈乜X嘢呀」。
不少網民對該男子公然自稱三合會成員感到嘩然，「自稱黑社會份子，拉得」、「警察做嘢唔該，拉人。」、「佢想出名，幫幫佢」、「重好意思自稱黑X會，撈得咁梅都大大聲講出嚟」、「報得警傻仔」、「撘個地鐵啫，都要自認黑X會會員，有優惠折扣？」、「撞到膊頭就撻朵」、「同荃灣個排骨仔一樣」、「都2025年仲撻朵」、「可以拎段片去報案，有晒證據自稱三合會成員」、「係有料就直接響自己朵」、「真係失禮死人」。
收藏
取消收藏
分享
稿件由上傳 · 文責自負 · 不代表本網立場
