【點新聞報道】社會需要正能量！有網民近日在港鐵站目睹窩心一幕，一名港鐵職員主動協助長者，陪同乘搭扶手電梯，展現出細心與關懷，直言「值得大大力拍手掌！」。
有網民日前在社交平台threads分享暖心一幕，「最近搭地鐵都留意到一幕好窩心：每逢有老人家、懷孕女士、持有拐杖嘅人，行到電梯口時好似有啲力不從心，都會有港鐵職員即刻過去陪住有需要人士搭電梯，仲全程金睛火眼留意住，怕佢哋會跣親！」。
樓主幽默地指，「最搞笑嘅係陪完老人上或落之後，呢位職員遊完電梯河，就會返自己崗位繼續工作。雖然只係一件小事～係唔知mtrhk（港鐵公司）要求定職員自告奮勇去做，但呢份『主動幫人 + 一絲不苟』嘅心，真係值得大大力拍手掌！」，帖文最後還加上標籤「 #香港好人好事 #港鐵 #窩心時刻」。
不少網民留言大讚這位港鐵職員，「扺讚！扺讚！」、「一絲不苟，社會很需要」、「值得一讚及掌聲鼓勵」、「月台助理，咩人都要助」、「不論如何...多這些溫暖的行為…社會就係很和諧」、「社會和諧靠大家」。
收藏
取消收藏
分享
稿件由上傳 · 文責自負 · 不代表本網立場
