【點新聞報道】最近天氣炎熱，無論在室內室外，都會熱到汗流浹背，更有機會伴隨著一陣臭汗味。有港女於社交平台發文公審一名大叔，指對方站在港鐵月台的冷風機前，令「啲風吹出嚟都有佢浸汗味」，帖文引來網民兩極反應。
該港女在社交平台threads發文發相，指一名身穿藍色短袖衫和黑色短褲的大叔，他揹着背囊，一手拿着手機、另一手提着一個白色購物膠袋，站於港鐵月台冷風機前面降溫，可見其衣領已經沾滿汗水，令吹來出的風混合了他身上的汗味，樓主不滿直指「啲風吹出嚟都有佢浸汗味」，遂拍照放上網公審。
事件引來網民兩極反應，有人鬧爆該名大叔「自私」、「隔住個芒都想嘔」、「舒服到佢呀，佢就醒呀」、「呢度係公眾地方唔係佢屋企」。
不過，亦有網民批評樓主缺乏同理心，「包容下啦」、「每次我見到這類香港人post相片和標題，我都會以香港人身份感到尷尬。冇愛心，小心眼思想胸襟都極度狹窄」、「你唔去問下使唔使幫手就算，仲要踩多腳笑人」、「你唔鍾意咪行開囉」。
收藏
取消收藏
分享
稿件由上傳 · 文責自負 · 不代表本網立場
