【點新聞報道】相隔一年半，黃心穎再次推出新歌，適逢包括有許志安的BIG FOUR宣布舉行演唱會，這段時間難免令人揣測，她接受HOY TV主播俞詠文專訪時坦言心很累。
黃心穎解釋每次推出新歌，心情都會很緊張：「尤其係推出前嘅兩個禮拜，我每朝早起身都會有一種肚痛，作嘔作悶嘅感覺，真係好似有咗咁！但係到咗前幾日又好返喇喎！但係一諗到準備要宣傳，又覺得好攰喇！哈哈哈！」
講到這首歌首度「棄用」丈夫泥鯭做監製，她笑言是故意的：「我想搵一啲新人合作，有新嘅衝擊，咁當然佢都有偷偷指導我。而MV到最後先有我個樣，因為我唔想出鏡。」她又言創作這首歌時處於心很累的狀態：「當時係冇乜自信，有啲迷失嘅感覺，但而家好好多喇！因為識得點樣去面對，同埋調節情緒，唔可以畀佢影響到自己，當我面對唔好嘅情緒時，我會直接面對佢，唔開心就畀自己喊，如果覺得好煩嘅時候，就畀三日自己，之後就唔可以再頹落去喇！要畀一個期限，亦都唔好抑壓情緒，因為係咁累積落去，最後都係會爆！但係就算爆，我都唔會爆老公，因為佢嘅反彈力都好強下！哈哈哈！咁蠢嘅嘢我唔做㗎囉！」
提到生B的問題，黃心穎就很隨緣：「如果呢一刻有，我會覺得好開心，如果冇我又唔會覺得好缺失。以前我比較想做媽咪，但到咗這年齡，我連照顧自己都覺得好攰，如果再照顧多一個小朋友，我唔知能否應付到。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
