【點新聞報道】好人好事！有港女發文讚揚九巴6號線一名有禮貌最貼心的年輕車長，會提醒揸住拐杖的嬸嬸慢慢行，還會待嬸嬸坐下才開車，以及當有操普通話乘客大叫「我們要下車」時，車長有禮貌地提醒下車要先按鐘等。獲不少網民留言大讚好難得，「真係要畀返掌聲個車長」。
該港女於社交平台threads發文表揚，本月2日晚上乘搭來往尖沙咀碼頭及荔枝角的6號線九巴車長，「應該係搭咁多年巴士以來遇過最有禮貌最貼心嘅車長，仲係一個後生仔。有時候，一個好小嘅舉動就已經好足夠」。
樓主憶述車長的暖心舉動，一上車嘟完個八達通後，車長向她說「你好呀，見到位就隨便坐得㗎啦」；見到一個嬸嬸揸住拐杖上車，車長就貼心表示「你小心啲慢慢行，等你坐低我先開車」，有乘客稱讚：「呢個司機真係好人事」。巴士行駛途中，有操普通話的乘客忽然有人大叫「我們要下車」，車長很有禮貌地表示「落車要先按鐘，前少少可以落車啦」。當樓主下車時，車長不忘提醒「好啦，大家記得攞齊自己嘅行李啊」。
不少網民留言大讚車長好難得，「咁真係要畀返掌聲個車長」、「好人好事值得嘉許」、「可以寫信表揚」、「車長盡責，享受揸車」。另有認出車長的網民留言「又俾人貼堂」、「第一日做6（號線）又可以收讚揚信」。
收藏
取消收藏
分享
稿件由上傳 · 文責自負 · 不代表本網立場
