【點新聞報道】瘦身成功的陳瀅今日（5日）穿上Deep V短裙出席活動，身上戴上千萬鑽飾也不及其性感裝扮吸睛。
陳瀅為準備演出新劇《璀璨之城》喼弗：「因為可能有大膽啲嘅場口，要着少啲衫。（有幾大膽？）劇本仲執緊，我仲未開拍，不過我做緊肌肉訓練，唔太着重磅數，係要增肌，而家手臂有啲粗，希望有最靚嘅馬甲線，條線出緊嚟㗎啦。（瘦了很多）所以我不追求磅數。我最瘦時應該是10年前拍寫真集，目前磅數同當年相差5磅。」對於搣甩「肥瀅」之名變「苗條瀅」，她說多謝大家：「而家係興白同微胖，（那你還需減？）我希望大家愈來愈接受，唔係愈瘦就愈靚，咁大家唔使咁大壓力。」
陳瀅瘦身以做運動為主，每周做3至4次，直言半年期間做到腰酸骨痛，有時跟JW齊踩室內單車。對於JW傳拍拖，她說略有所聞，對方個人私事不會過問。問及緋聞男友周嘉洛滿意她身形嗎？她說：「所有朋友見到我都覺得我精神咗同健康咗，都有同嘉洛同朱仔（朱敏瀚）做運動。（嘉洛身形好唔好？）好啩，佢身形一直都好好。」
此外，談及在新劇《執法者們》中，她被強暴的性感演出引起大迴響，她表示：「那場戲試咗好多衫，拍時都有小小壓力，因為女仔拍呢啲戲始終唔太舒服，但當日所有人好配合，拍得好順利同好快，兩位男對手都準繩，難受唔係好耐，播出就幾秒，但其實係拍咗成日，真係台下十年功，台上一分鐘，呢次拍劇算罕有性感，可能自己大個咗接受能力高咗，未試過就想挑戰，好似《璀璨之城》亦有一場更大膽嘅戲係我自己要求嘅，未嘗試過。」問對手是否張智霖，她笑而不答。
對於前輩雪妮病逝，陳瀅曾在《廉政行動2019》與其合作過，指對方是非常有耐性及肯指導後輩：「佢係好溫柔嘅女士，知道消息之後都覺得好可惜。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
