【點新聞報道】巴士迷為求一張相已達到無所不用其極，近日網上流傳一段車Cam片段，可見有一名少年疑為了拍攝巴士照片，竟將「雪榚筒」放馬路阻車。不少網民批評行為不負責任，危害公共安全。
有網民在fb群組「車cam L（香港群組）」上載影片，指「呢條巴膠仔為咗想影巴士轉出嚟靚啲嘅角度放個雪糕筒喺路中心」。從影片所見，該處為天水圍天晴邨附近一帶，當時一位身穿白色衣服的少年，於路中心放下一個「雪糕筒」，其後跑走離開。片主表示，少年是為了拍攝巴士照片，「我開頭都唔知發生咩事，以為條路有個窿，佢好心放個雪糕筒。點不知跑到尾嘅時候見到成班小朋友攞住部相機先知咩事。」
事件引起網民熱議，「巴膠已經成為社會問題！」、「呢啲人好自私」、「危害道路安全!」、「遇見這類巴士迷幾次，感覺智商及情商都係有啲問題」、「咁都好玩」、「巴膠無藥醫」。
不少網民認為應該報警處理，「應該聯絡交通部處理」、「報警就最好，危害道路使用者安全」、「你有車cam，告得入啦」、「危害道路安全!」、「犯法喎，連常識都無」、「應該要報警，佢咁做已經犯法。利申：我都係巴士迷，但從來唔會干擾交通」。
根據香港法例第374章《道路交通條例》第50(a)條，任何人在未經運輸署署長、警務處處長或路政署署長同意，而移動、損壞或以任何方法干擾任何交通標誌或訂明的交通標誌即屬犯罪，可被處罰款2,000港元及監禁3個月。
收藏
取消收藏
分享
稿件由上傳 · 文責自負 · 不代表本網立場
