【點新聞報道】鄧麗欣（Stephy）將於9月20日在澳門舉行「STEP by STEPHY鄧麗欣演唱會澳門站2025」，距離演出不足3個月時間，Stephy正密鑼緊鼓籌備中，首要任務是操肌。
Strphy曬出「老鼠仔」笑說：「完咗香港站我唔係偷懶，係肩頸有少少勞損，所以唔敢做太多劇烈運動，要休息返啲肌肉先，嗰幾個月都冇乜舉重，啱啱開始返做運動。」歌單編排上，她指目前努力收集大家意見，說：「大家想轉歌單定唔想？又或者想聽咩歌？我自己都要諗一諗。」
籌備演唱會的同時，Stephy亦捉緊時間推出新歌《立斷》，她更參與填詞。她説：「歌詞講緊一段圍繞咗我好長時間、情緒糾結嘅關係，今日自己成長咗，經歷咗咁多嘢之後，懂得將呢啲情緒斷開，唔好俾自己糾結喺唔開心嘅狀態入面。」
Stephy在新歌MV不但上山下海，還經歷酷熱天氣和滂沱大雨。拍攝當天的早上，Stephy於33度的烈日下到海灘拍攝落水鏡頭，她赤腳漫步在石堆上，優雅背後卻忍受着腳板刺痛。一Cut機，Stephy面露痛苦表情笑說：「我表情係咪都管理得唔錯呢？我仲要懶靚咁，但其實好痛。」下午轉戰山頭拍攝與8位Dancers跳舞時，天色突變下起滂沱大雨，幸好暴雨過後漸變天晴。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
