【點新聞報道】優先座的使用經常會引起爭拗或矛盾，近日港女帶80歲父親北上坐東鐵線時，因老父腰脊有問題，遂要求兩名女士讓座但被拒絕，事主心生不滿，繼而網上公審「香港宜家的優先座位對老人家還有效嗎？」，結果反被網民鬧爆。
有港女在社交平台threads發文並附上照片，批評兩名東鐵女乘客拒絕讓座多其80歲父親，「今日同80歲老爸返深圳坐東鐵，由於老爸腰脊唔好問優先座位可否讓座，兩位女士拒絕讓座。請問香港宜家的優先座位對老人家還有效嗎？」。從照片可見，兩名女子坐在車窗上方貼有「優先座」標示的中間位置，其中一人被打格遮蔽面容，另一名年輕女子則沒有，她們身旁還坐着三名男乘客。
帖文引起網民熱議，有人指兩位女士並非坐在優先座，「跟圖睇兩位女士坐既並不是優先座，冇需要讓的其實」、「優先座係得2個，一係靠左或者右個2個，至少正中間個位女士唔係坐優先座」、「上面條彩帶係有可能誤導，以為五格都係關愛座」。
有網民則認為優先座並非必須要讓座，「讓就人情，唔讓就道理」、「點解淨係問兩個女士？佢有冇問埋隔離個男士呀？」、「係咪欺善怕惡見男人就唔敢問？」、「讓座唔係奉旨的，仲要開樣公審人」、「讓係人情，唔係老馮，一唔讓就要畀人擺上網」、「點解唔可以唔讓？我畀足錢想坐下啫，都要畀人影po上網？唔使下下道德綁架啩，我返咗成日工都好攰......」。
有網民建議樓主可選擇舒適的頭等車廂，「點解唔去頭等，大把位又舒服」、「果吖爸腰骨唔好，又要坐地鐵嘅，咁可以去頭等嘅，都係貴一倍」、「自從腰骨有問題，上內地已經放棄坐東鐵轉搭高鐵」。
收藏
取消收藏
分享
稿件由上傳 · 文責自負 · 不代表本網立場
