【點新聞報道】人離鄉賤，做唔番本行，搵唔到以前咁多係好正常，好多港人移英前都冇心理準備，結果咪一味葡萄人囉。有英國華僑在網上發文大爆，有移英港人因為年紀大，職位同人工低過香港一大截，於是心有不甘，就散播似是疑非的言論抹黑老華僑。
有英國華僑在社交平台分享職場生活，指有新進公司的移英港人搬弄是非、玩抹黑，「話說公司年頭嚟咗幾個香港新移民，佢哋年紀已經可以生得我出（我20女幾歲尾），職位同人工低過香港一大截（過到嚟英國連manager個位都做唔到），成日心有不甘，妒忌我年紀輕輕職位高過佢哋好多（公司唯一一個30歲以下嘅Global Director），於是成日喺公司抹黑我係老華僑大藍絲」。
樓主還列舉了移英港人的荒誕理據，包括：屋企裝咗 myTV Super、成日去金龍軒食燒鴨同飲茶；每年起碼返飛一至兩次香港，每次都坐國泰 premium economy or business；今年過年返香港睇咗陳慧嫻演唱會，順便過埋澳門睇李克勤，話佢哋淨係會搵人民幣，所以買佢哋飛嘅都一定係藍絲，以及上深圳吃喝玩樂同揼骨。
不少網民看後都揶揄移英港人好葡萄，「佢哋呢啲人做嚟做去都係散仔，因為根本唔知道呢度嘅人要啲乜嘢，冇職升就話自己時不與我，甚至乎話人哋唔識欣賞自己嘅勤力付出」、「精簡啲嚟講，呢位後生仔喺英國achieve到嘅嘢，就係好多移英loser所嚮往而afford唔到嘅生活，人到中年生活質素要降grade，心理唔平衡係可以理解嘅不過真係要講返句，呢個後生仔真係好叻仔，年紀輕輕已經高薪厚職。」
收藏
取消收藏
分享
稿件由上傳 · 文責自負 · 不代表本網立場
