【點新聞報道】雲浩影（Cloud）將於8月2日在旺角麥花臣舉行首個「Finding Cloud 雲浩影演唱會2025」，上周預訂反應熱烈，火速售罄，明天（3日）於早上11時公開發售。日前Cloud乘坐印了其演唱會海報的「雲影號」電車，遊走港島宣傳，出發前「迷雲黨」（Cloud歌迷暱稱）送上生日蛋糕，預祝她本周六（5日）生辰快樂及個唱門票大賣。驚喜一浪接一浪，鄧麗欣（Stephy）神秘現身傳授「淡定心法」，令Cloud大為感動。
「雲影號」從屈地街電車廠出發，向銅鑼灣方向行駛，期間神秘嘉賓Stephy在上環登車，靜靜地走到Cloud身後，她驚喜得成個人彈起，掩嘴傻笑。Cloud立即問她如何面對緊張情緒？Stephy說：「其實每個人都會緊張，即使好有經驗嘅前輩，都話我知佢哋都會演出前緊張，正常架！」
送走Stephy後，Cloud說：「真係好驚喜，我俾佢嘅靚嚇親，好開心有位大前輩嚟為我打氣。佢做過不同嘅演出，亦明白我第一次做演唱會嘅心情，對於我嚟講有幾重要同埋緊張，佢同我分享咗好多經驗，我好開心有一個同Stephy一對一對話時間。原來佢都會緊張，知道之後我反而淡定咗少少。因為我印象中嘅Stephy係非常淡定、唔會緊張，知道原來佢都會緊張嘅時候，我就發現自己都係好正常。佢講得好啱，最緊要點樣將緊張同埋壓力，變成動力令自己做得更好。我覺得我哋公司嘅女artist都好犀利，例如Sammi（鄭秀文）、Stephy都好值得我去學習，感受到佢哋對自己嘅工作嘅喜愛同埋付出，我要繼續努力！」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
