【點新聞報道】搭飛機最怕見到無品乘客，近日一名港女大呻搭飛機時，遇上鄰座乘客除鞋赤腳不特止，更翹起一隻腳，將腳板朝向自己，幾乎碰到臉部。女事主雖然不滿，但竟然全程機都冇出過聲，直言「諗返好後悔」。事件引起網民熱議，「好嘔...」、「咁都忍到，屎都可以食了」、「好癲呀，戥你慘」。
該名女乘客將整個過程拍下來，並上載至社交平台threads分享，可見當時在航班的三人座位區，女事主坐在靠走廊的位置，中間坐着一名身穿斑點長褲的女乘客，靠窗則坐着一名男子，相信是該女乘客的丈夫。
從照片可見，該女乘客在機上脫去鞋子，兩腳一伸，露出十根腳趾，塞入前座椅背的空隙，之後又試過將赤腳擱在座椅上，腳指頭更佔據女事主的位置。最離譜的是，該女乘客還側躺靠在丈夫身上，再翹起一隻腳，將腳板朝向女事主，幾乎碰到臉部。而其丈夫亦不遑多讓，同樣脫鞋赤腳，將雙腳晾在前座椅背上。
雖然感到不滿，然而女事主在整個航程都選擇啞忍，「我竟然全程機都冇出過聲 而家落機諗返好後悔 我頭先到底做緊啲咩」。事件震驚網民，紛紛留言「咁都忍到，屎都可以食了」、「你都幾高eq」、「好嘔...」、「除非呢隻腳板底係屬於許光漢或車銀優，唔係我諗唔到任何原因唔出聲」、「樓主忍受能力程度: 鑒定為印度」、「你隔離條友癲啫你仲癲過佢」、「笑到痴線，可以逗起佢隻腳嚟聽電話」。
有網民建議樓主可以向空姐求助，「呢啲情況撳鐘叫空姐處理就得 洗乜自己開口」、「去到你塊面度都幾過火應該同空姐講」。有人則建議以其人之道還治其人之身，「我諗到解決方法係，同佢一樣做返一個對稱嘅姿勢，腳掌對返佢對掌」。
收藏
取消收藏
分享
稿件由上傳 · 文責自負 · 不代表本網立場
