【點新聞報道】茶餐廳倒瀉食物時有發生，近日上環一間茶餐廳有女侍應，不小心倒瀉飲品，弄污食客的衣物，即使道歉及提出「免單」都不被接納，食客要求「賠晒啲衫褲鞋襪錢」，雙方爭執持續約一小時，最終女侍應向對方賠償「鞋錢」780元，引發網民熱議。
有網民周日（6月29日）在社交平台threads發布影片，指在上環一間茶餐廳用餐時，目擊有食客與女侍應爭執，「姐姐(女侍應)唔小心倒瀉杯嘢飲落枱面，流咗落去佢地身上，之後道歉同免佢哋張單，但都唔肯放過姐姐，要佢賠晒啲衫褲鞋襪錢，喺度大吵大鬧擾攘咗成個鐘， 最後姐姐賠返對鞋錢($780)佢地先肯走」。
從影片可見，一名身穿紅色上衣女客人表示「要承擔對不對？如果不承擔的話……」，隨後指着旁邊身穿綠裙的女友人說「你（女侍應）現在看看它這些黃色的，全都是白色的，它是全濕的，全都是那個顏色」。女侍應詢問了鞋子的價值，兩名女子表示為780元，女侍應隨即回應：「我給780塊錢給你，好啦，行了，好不好？」，兩人聽後點頭表示接受。影片至此結束。
帖文引起網民熱議，有人指賠錢合理，「好合理，你整濕人地對鞋，叫你賠錢有咩問題」、「有咩問題？你真係整到人哋對鞋喎。就算係有問題都係間公司有問題啦，關個客X事 」、「其實咁多人話冇問題，咁如果人哋嗰對鞋或者袋係要5位數或者更貴，咁點計？有人講話賠清潔費，但有嘢根本就清潔唔到，係咪又可以完全唔使人賠？」、「其實大家傾掂數，雙方接受就得。 傾唔掂數就報警處理。但既然雙方傾掂數 ，旁人其實都冇乜可議。」
有網民則認為應將心比己，得饒人處且饒人，「大家都係打份工，唔小心啫， 如果對方態度好，自己又無受傷，就算啦，放過人啦。 」、「為一杯野飲要人有機會無左份工，於心何忍？！」、「企硬唔賠就得，明屈錢」、「既然賠咗$780，叫佢哋除低對鞋先好走」、「其實可以報警，叫佢哋跟小額審裁追討」。
收藏
取消收藏
分享
