【點新聞報道】近日，有網民在社交平台上發帖文分享其太太網購的經歷，一名順豐送貨員將其太太的包裹放置於大門門頂，意外引送貨員本尊現身道歉稱「冇下次」，網民力撐送貨員，直言好心先會咁。
相片顯示，其妻子發現後於通訊對話中幽默稱「係咪玩我」並向送貨員提出「下次可以擺係地下，我唔夠高拎」，而事主老公直言「擺到咁高真係好好笑」。帖文曝光後，相中送貨員主動留言致歉「順豐哥哥對你唔住」，事主強調分享純屬趣談，並無不滿情緒。
帖文引起網民熱議，不少網民力撐送貨員「好心先會咁」、「佢擔心擺地下會畀人偷」、「擺咁高可能至少要偷都可能冇咁容易」、「順豐哥哥幾好，放地下應該俾人偷咗」、「其實好貼心嘅」。亦有網民分享類似經歷，「我個順豐哥哥都係咁，雖然好貼心怕有人偷但係拎唔到」，有網民則回覆，「放高啲你起碼可以翻到屋擔櫈仔拎，至少有賊，佢唔會無啦啦有張櫈可以拎到，放係地下就人人都可以拎到」、「佢怕畀人偷，然後要賠錢，SF員工自己賠嘅」。
收藏
取消收藏
分享
稿件由上傳 · 文責自負 · 不代表本網立場
