【點新聞報道】移民就好比夫婦關係壓力測試，有移英港女在網上發文大爆，英國移民圈問題多多，移民離婚、移民外遇可謂比比皆是，「可能大家嚟到特別容易對伴侶睇唔順眼」，而且出軌對象都是香港人，她慨嘆「移民真係對人生、對關係、對健康、對銀包嘅重大考驗」。
有移英港女在社交平台threads發文透露，做移英家庭輔導員一啲都唔容易，「日日爆call，求助者上至老人家，下至青少年，好多人都因為各種唔適應而需要求助」。她指，當中最多問題的是三、四十歳的年齡層，「最大問題係兩公婆因為嚟咗英國之後，相處時間太多，家務分莊不均，角色唔適應等等」。
她提到，外遇出軌更是十分普遍，「唔少係夫婦long d(遠距離戀愛)，女人堅持同細路留英，老公堅持留港搵錢，然後兩年過去，個女人就被突然離婚，原來一個喺英國一個喺香港，夠兩年就可以單方面宣佈離婚」。
樓主指出軌對象都是香港人，「依家呢度係兩公婆都喺英國都會同其他同鄉出軌，不過應該都正常，嚟到比喺香港容易心靈空虛」、「我自己身邊識嘅都有兩個被撬牆腳，可能大家嚟到特別容易對伴侶睇唔順眼」、「都聽到好多朋友/朋友嘅朋友嘅case，可能俾我哋想像中係多」。
她慨嘆移民路難行，「移民真係對人生、對關係、對健康、對銀包嘅重大考驗」，不過她亦戴定頭盔話，個案只是任職家庭輔導員的朋友分享給她，「唔係我聽㗎啲電話，我無資格做呢啲」。
帖文引來不少移英網民分享「所見所聞」，「我知的是女人不出2年內自己在英國出軌，諸多理由叫老公唔好過來英國團聚，是外母愧疚下爆自己個女對唔住女婿」、「我嚟到英國識嘅朋友好少，不過都聽過有幾對夫婦其中一方出軌」、「我都成日聽聞好多couples一齊嚟咗，然後無耐就被個喺度識嘅同鄉『撬牆腳』....我自己都係，本來諗住同ex一齊嚟，我自己嚟咗先，點知唔駛兩個月就被仲未動身嘅ex斷咗contact咯」。
有網民就指，移民環境咁大轉變，要適應唔容易,「夫妻到英國，真係要學習彼此分擔家務 互相體諒尊重 其實大家都面對着生活上的適應 最需要對方時，卻不能互相遷就，就會生磨擦」。
收藏
取消收藏
分享
