【點新聞報道】譚耀文（阿譚）和姚樂怡（Sherming)日前接受HOYTV主播俞詠文的專訪，分享拍攝《拚命三郎》的苦與樂。
譚耀文形容他在電影中可以說了「拚了命」：「因為拍呢套片嘅時候，係疫情差唔多完結嘅時間，其實大家都經歷咗身心疲累嘅兩年幾，所以就將呢一種情緒放入角色裏面，又覺得幾適合喎！而我自己同我角色又有啲似，感覺到有啲中年危機，打戲方面，我係有少少研究嘅！即係例如甄子丹，李小龍係點樣打嘅？冇佢哋咁有型都希望做到一半啦！」
電影兩位淡出江湖兄弟的戲碼之外，都有講述和兒子林家熙（Locker）兩代父子及與前妻姚樂怡的感情。而兩位現實中的家庭生活亦引起熱話，阿譚的一對仔女更被譽為文武雙全：「都係各位畀面啫！連學費幾多都要攞埋出嚟講，真係多謝曬！哈哈哈哈！好彩學校嘅校長係外國人，應該唔識睇！」
而Sherming的囡囡只得九歲，她笑言未到反叛期：「係有駁嘴駁舌，但未到夠膽閂房門唔睬你！佢仲係同我一齊瞓覺㗎！仍然享受緊呢種咁親密嘅過程！我自己都好後期先至反叛，我18歲先至可以一個人出街，其實我覺得而家個社會唔同咗，同下一代相處最好好似朋友咁，咁就可以打破咗兩代人嘅溝通。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
