【點新聞報道】近日，有網民在facebook「車cam L（香港群組）」群組分享一段旺角亞皆老街疑似發生一宗碰瓷黨事件的影片及帖文，影片網絡上瘋傳。一名男子當街臥躺馬路中央阻攔的士，司機多次嘗試拖離男子未果，場面一度僵持。拍攝者無奈表示「我懷疑佢係到揼波鐘」、「的士司機遇上碰瓷黨」。
影片顯示事發地點位於行人過馬路燈位，男子半坐馬路阻擋的士前行，的士司機嘗試理論未果，繼而捉住男子手臂欲拖離。不料男子竟順勢躺下背對着司機，司機趁其不注意便使出「鬼掹腳」，男子立即起身對罵但仍是半坐地姿態並且拒絕走開。現場有人建議「報警啦」，拍攝者亦向司機提議「你唔報（警），我幫你報，好唔好？！」。
影片引起網民熱議，不少網民怒斥瞓地男子，「阻人搵食。」、「碰瓷黨呢啲人渣，唔嚴懲係唔得嘅」、「假得滯，最少都要整斷隻腳啦，搵食都要交足戲㗎」。亦有網民建議報警處理，「遇上碰瓷黨，即刻報警，見一個拉一個」、「有cam駛乜同佢嘈，等差人嚟」。
收藏
取消收藏
分享
稿件由上傳 · 文責自負 · 不代表本網立場
