【點新聞報道】Brian和Luna夫婦於去年10月裸辭移居日本，8個月後竟在YouTuber頻道宣布將提前離日返港。Brian表示因無法平衡拍片與生計加上飲食適應困難，寧願回流。不少網民鬧爆「懶人有千億種藉口」、「冇準備好移居心態」、「藉口多多」。
Brian在最新的影片中坦言佢留日其間因做餐廳職工、揾工導致拍片時間大量減少，無法兼顧兩者。並且雖然YouTuber訂閱人數有所上升，但始終未能發展出可行的事業模式。他表示深思熟慮後感覺自己更喜歡拍片，而返香港可以兼顧兩者，最終決定放棄日本生活。離日另一原因是飲食適應不良，Brian稱因日本食物品種單一且缺失港式風味而食到抑鬱，日本「來來去去炸雞拉麵、意粉、便當」，並且他表示十分掛住茶記的炒飯、麻辣米線等食物。
有網民睇過影片後質疑其返港決定，「證明其實佢對移居呢樣嘢嘅決心唔係好大……建議你調整好自己心態先試下移居，如果唔係移去邊度嘅結果都係一樣」、「你唔好再諗移居喇，你去邊都唔會適應到」、「你唔返工，移民去邊或者返香港都生存唔到」。
許多網民寸評其移居失敗僅因懶惰，網民認為Brian夫婦移日8個月毫無成長，不願意正經上班反而逃避現實，「懶人有千億種藉口，搵藉口說服自己就係唔肯認自己懶」、「開YouTube只係一個藉口，根本就係你個人懶唔做嘢」，「好失望，你曾經去返工，我以為你有成長，結果你竟然放棄，你返兼職啫，點會拍唔到片，2個人4對手」、「重點係自己搵唔到office工，又唔想做餐廳咁cheap，所以先要返香港」、「你喺日本度咩都唔想做，點會成功呀」、「老老實實，剩係喺到FF，無覺悟無目標」、「醒下正正經經番工啦，仲發夢」、「佢想最適合佢就係唔洗返工,咩都咩唔洗做,日日去玩去旅行就最好」、「其實唔係日本唔適合你住，係你唔夠資金，冇錢邊度都唔適合㗎啦」。更有網民直言其YouTube頻道內容沉悶、缺乏深度並且定位模糊。「其實你啲片好悶好悶，個人講嘢完全顯示到好唔成熟，未成長，但你個channel定位想做個人成長，長遠只會變成花生channel」。
許多網民對於Brian指日本食物單一表示冇眼睇，「日本嘢食都叫單一，笑咗，你知唔知自己噏緊乜X」、「思鄉食物你去到邊個國家都會」、「日本嘢食都叫單一，去外國點算？」、「嘢食單一？冇睇孤獨的美食家介紹，係冇錢去食定冇心去呀！」、「呢8個月嘅得着就一碗正宗麻辣米線，知道無咗佢唔得，amazing」、「日本好多地方食到麻辣米線，廢到唔想做嘢都算，但廢到想食嘅嘢都唔去搵下，好嘢」。
收藏
取消收藏
分享
