【點新聞報道】「寰亞孻女」黃淑蔓（Feanna）剛踏入24歲，日前出席Fans為她籌辦的party，也是她出道以來首個歌迷聚會兼生日會，令她非常開心和感動，更言：「冇咗你哋我真係乜都冇！」
首次Fans meeting和生日會，她說：「好開心，更要好多謝我啲聽眾？fans？係朋友。好用心咁搞咗一個聚會畀我哋，真係好開心可以見到咁多熟悉嘅面孔。」Feanna特別選唱《I Have Nothing》原因：「我平時喺屋企練歌會唱呢首歌，每次唱都會諗起大家，因為歌詞講中咗我想同大家講嘅說話，冇咗你哋我真係乜都冇。尤其是第一句『Share my life, take me for what I am ～ 'Cause I'll never change all my colors for you～』呢啲都係我想同佢哋講嘅說話，所以有時喺屋企練呢首歌，會喊到傻咗。不過今日有少少偶像包袱，同埋少少緊張，只係有少少眼濕濕，未至於喊嘅。」
除了唱歌，Feanna與大家玩估歌名遊戲，更幾乎講出每位舉手搶答的fans名字。她說：「因為不少fans追隨了很多年，加上去年聖誕節，我決定寫聖誕咭畀fans，盡力好好記住每一個名字。希望未來每一個十年都有大家！」說罷Feanna又眼紅紅。
至於生日願望，Feanna祝願大家身體健康：「最大嘅生日願望，係每一年生日都有大家（Fans）同我一齊慶祝！」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
