移英港女暗踩藍領友人不自量力 住倫敦食KFC都嫌貴

【點新聞報道】英國物價昂貴困擾不少移英港人,就連去連鎖快餐店都牙痛咁聲!一名在倫敦任職司機、住合租公寓的移英港人,因生活緊絀,平日只會在家煮公仔麵,難得與友人在KFC(肯德基)共聚,但埋單13鎊(約140港元)都嫌貴,結果遭女友人放上網取笑。

一名移英港女在社交平台threads分享一次聚會的經歷,「我身邊有個移英朋友,移咗一年,住London shared house,做緊min pay多少少嘅工,一個人,同佢食kfc,3個人畀咗13鎊,佢話都唔平,我即時O咗咀,其實咁少錢買kfc都覺得貴,咁點解要住London呢?」當大家以為是「1個13鎊」時,樓主澄清是「3個人total 13鎊」,令不少網民都啞口無言。

樓主指對方是任職司機,生活緊絀,每月租金550鎊,連council tax 水電煤,「其實佢都係一星期出去食一兩次lunch,間唔中叫外賣,其他日子都係屋企食 」,強調「佢只煮公仔麵 」。

有網民認為每個人使錢習慣,用法都唔同,但樓主直言「我真係唔會同人食kfc講呢d comment,你話去食一間意大利餐廳就話 」,又話「我唔係笑佢,係叫佢面對現實,唔通下下同朋友食飯,埋單時又講句,出嚟食嘢真係貴?」

有網民粗略估計,「Min pay假設每個月稅後千6(易計啲)扣租金(假設全包)900,每日交通每月總共為100,電話費10,超市雜物同食物300…粗略估計都得返300都冇」。

正所謂「冇咁大個頭就唔好戴咁大頂帽」,有網民就指,「未去到某個level就唔好住London因為London 唔係俾entry level嘅人住,如果勉強就會無幸福 」。

收藏收藏
取消收藏取消收藏
稿件由上傳 · 文責自負 · 不代表本網立場

移英港女暗踩藍領友人不自量力 住倫敦食KFC都嫌貴

收藏收藏
取消收藏取消收藏
稿件由上傳 · 文責自負 · 不代表本網立場