【點新聞報道】紙盒一向是蟑螂的溫床，有網民在紅磡一間外賣Pizza薄餅店，拍到一堆薄餅紙盒的架上，有一隻曱甴亂竄，然而一旁的職員卻渾然不知，正忙着搓麵團整薄餅，故放上網公審，揶揄「曱甴pizza盒子」。
有網民在社交平台threads發文指，早前在紅磡一間外賣薄餅店，看到有曱甴在一堆薄餅紙盒內亂竄，揶揄「曱甴pizza盒子，不過係幾好食」、「朱古力味嘅屎，定屎味嘅朱古力 」，又笑言「我不入地獄，誰入地獄」。
從其上載的影片可見，在一堆薄餅外賣紙盒的架上，有一隻曱甴爬上盒子邊緣行走，一旁的職員則戴着衛生頭套和手套，忙於搓麵團製作薄餅。影片引來網民熱議，「紙盒係好惹曱甴」、「喺度出世無幾耐」、「金色嘅曱甴」、「依隻品種行得好快！！ 」、「可能佢監工呢」、「小強覺得紙盒好味過pizza」。
然而，有網民竟然覺得無問題，「就咁望佢哋個架係乾淨，咁大隻應該出面走入嚟，呢啲都冇計 」、「講得衰啲，香港應該冇一間食店可以避到，中晒啦又食店又紙皮，我對佢又冇乜感覺，咁就打和啦，super 」、「食肆+地鋪冇曱甴都冇人信，就咁睇都係乾淨，走入嚟都冇計，同我哋家居一樣，乾淨都會有小強入侵可能，唯有希望店方睇到再加強清潔吧」。
收藏
取消收藏
分享
稿件由上傳 · 文責自負 · 不代表本網立場
