【點新聞報道】搭長途車最怕人有三急！有網民發文分享一個隔住個mon都覺得臭的經歷，指日前乘搭龍運巴士期間，有乘客在車廂內瀨屎」，司機將巴士停在屯門赤鱲角隧道附近，相信是要求全車乘客下車。
該名龍運巴士乘客日前在fb群組「是日快快-巴士即日相」發文表示，「因為有人在車廂瀨屎，到屯赤擺街」。從上載的照片可見，巴士車窗玻璃反映的畫面，顯示有多人站在巴士一旁，相信是司機停車後，要求全車乘客下車，轉乘另一輛巴士。
帖文引起網民熱議，有網民批評「好噁心」、好缺德」、「全架車都臭晒」、「剩係睇字，都覺得臭」「張相咁臭嘅」、「生化恐襲」、「要清潔嗰個好慘」。有網民則認為應體諒包容，「搭長途車最怕攪肚痛，應該冇人想瀨嘅」、「瀨屎嗰個人感受都不好過，好無助，唔係咁容易忍到，落車仲要找廁所」、「肚痛瀨屎冇人想，唔緊要，但係屙完唔該清理返自己啲蘇州屎，唔應該留返俾人幫你清」、「長途車應該有中途轉車站，就要把握時機，否則問其他乘客有冇膠袋更好了。」
有任職巴士司機的網民分享遇過的相同經歷，「嗰陣時都試過，揸606，去到藍灣半島總站，落完客，再巡車，發現有尊貴嘅乘客放低咗兩嚿大大嚿的番薯。竟然冇人出聲，之後都係揸返廠洗車」、「我試過晚上做97尾車返到東村，下層右尾位成灘意式肉醬，睇嚟佢腸胃唔多好」。
另有網民分享類似經歷，「有次坐107突然間司機話前門入錢位地下有舊屎要停車叫全車人轉車，我行去望下又真係有舊屎係成條，都唔唔知佢點出現」、「我搭71B都見過阿伯在喺座位上瀨屎臭到頂唔順個坐位上有D屎佢條褲全部都有好彩短途車到站即通知站長處理」、「我上個禮拜都係啦，搭E31由東涌去愉景新城，點知喺青衣嗰個位成車勁臭，原來有個女人喺樓梯位去咗個大，之後我哋要忍住臭味，原車去愉景新城，真係臭到死」。
收藏
取消收藏
分享
稿件由上傳 · 文責自負 · 不代表本網立場
