【點新聞報道】著名武術指導及動作演員唐佳昨日（23日）離世後，不少藝人及後輩在社交網帖文悼念，紛紛表達不捨。當中黃宗澤（Bosco）深夜發文，指他哽咽又痛心。
黃宗澤寫道：「剛入行，我咩都唔識，您教我點拍打戲！我受傷，您半夜攞藥酒過嚟我房，話要幫我捽藥酒，如果唔係以後會有風濕！您喺廠見到我拍戲拍到好攰，您話做一個演員一定要照顧好自己！您仲會好溫柔咁叫我阿仔…呢啲點點滴滴我到依家我仲好記得！喺您身上學識咩叫鐵漢柔情…我哽咽，我痛心…只能希望一切安好！」
姜大衛就在社交網貼上分別與張徹導演、劉家良和唐佳的舊照片，不捨留言：「我這一生人最重要嘅三位師父都已離我而去。」陳敏之亦在ig限時動態寫上：「佳哥，一路好走！記得每次拍劇，你永遠陪住雪妮姐入化妝間，親切的笑容，對後輩親切的問候，你們的恩愛，永遠留在大家心中。」
胡定欣亦有帖文：「腦海有無數喺化妝間錄影廠，佳哥窩心陪伴着雪妮姐開工，出相入對甜蜜的畫面。佳哥，願你安息，一路走好。」
（點新聞特約記者陳惠芳報道）
更多閱讀：
收藏
取消收藏
分享
稿件由上傳 · 文責自負 · 不代表本網立場
