【點新聞報道】司機與乘客不時會發生爭拗，近日有疑似九巴車長在網上發文，吹噓自己因無乘客按落車鐘而直接「飛站」，指「唔撳鐘吖啦......再唔撳鐘就車晒你地返火車站。」帖文旋即引來網民兩極反應，有人批評車長冇同理心，有人則認為「揿鐘」是乘客基本責任。
一名懷疑71S路線的九巴車長在社交平台threads發文，並附卜上該巴士的照片，寫道：「廣福街市唔撳鐘丫啦，全部人載晒去宏福苑落車，再唔撳鐘就車晒你地返火車站。」該車長在留言區表示，「有個阿叔話大站嚟，一定要停站，我話第一日返工，唔識你地所謂嘅大站，總之有撳鐘就有停站」，更對於留言反駁的乘客說：「仲想駁嘴丫啦，人嚟......掌嘴 」。
涉事的九巴71S線屬假日特別路線，循環來往大埔（富善）及廣福，途經大埔中心（南運路）及港鐵大埔墟站。有網民直指車長「冇做錯，但係心地唔好」，質疑車長存心要乘客「落唔到車」作為懲罰，「道理上你無錯，但我相信你冇同理心」、「即係你內心明知有人係需要落車，而你希望佢落唔到車」、「好多巴士佬心地都唔好，鍾意搵機會玩人自己暗爽，樓主已經係一個實有人會話，無人撳鐘喎咪唔使停囉，原則上係啱，但事後仲要特登放上網講，背後係咩心態顯而易見啦 」。
不過，也有許多網民支持車長，強調「撳鐘」是乘客基本責任：「如要落車請提早撳鐘，呢啲係人類搭巴士嘅必定基本常識，個個都老馮咁」、「個個站都大站？冇人撳鐘冇人遞手就梗係走啦」、「停畀你係人情，唔好係度情勒」、「反正冇人撳鐘即係冇人要落車」、「巴士冇寫過什麼大站細站，要落車就撳鐘，更加唔關什麼老人家後生仔事，撳個掣都冇力？」、「依家啲人搭巴士老馮咁，以為佢哋自己搭緊港鐵」。
收藏
取消收藏
分享
稿件由上傳 · 文責自負 · 不代表本網立場
