【點新聞報道】貓店長變身招財貓！深水埗一小店發文分享一段有趣經歷，指日前有一名身穿短褲的大叔到店內要求替他「唱散」500元紙幣，遭到婉拒離開後，豈料笑容滿面地折返，並在店門外的「貓店長」身旁放下兩條紅衫魚（200元），令一眾網民大呼「匪夷所思」！
深水埗一小店的店主周六（21日）在社交平台threads，以「#愛貓人士 #深水埗鴨寮街」為題，上載一段短片並發帖文，表示「一大早個阿叔喺我哋鋪頭門口玩我哋隻貓，然後攞$500俾我，叫我幫佢唱散紙，我當然拒絕，冇諗到佢轉頭唱完散紙返嚟放低兩嚿水俾隻貓……」。
從片中可見，大叔笑容滿面地走向店舖門口的「貓店長」，彎身在牠身旁放下一張鈔票，還輕輕摸了摸貓貓的頭，隨即轉身離去。貓店長似乎也有所反應向大叔「喵」了一聲；而店舖職員發現後亦露出欣喜的笑容，場面十分搞笑。
店主及後放上貓店長的照片講述當時情況，「阿叔係度玩貓，而我笑笑口任由佢玩，佢問我隻貓係未我哋嘅，我點頭應咗，然後佢用佢一直揸住嘅500直接同我講，你同我唱散紙，咁我同佢三五識七，佢又唔係用問嘅方式，咁我點解要幫佢唱啊，係唔清楚對方意圖嘅時候邊個會幫陌生人啊，如果錢有問題，邊個負責啊......最後睇睇我哋隻愛貓幾有型，哈哈」。
事件引起網民熱議，有網民大讚貓店長是真正的「招財貓」，「阿叔好有愛對小動物」、「自己罐罐自己賺 」、「店長好叻」、「愛喵人，比錢喵喵買罐罐」、「比錢隻貓咁搞笑」、「好可愛的貓咪和叔叔」、「好似對小朋友噉，叔叔畀錢買糖糖食 」、「貓貓有福氣」、「好warm , 佢真係好鐘意貓咪」、「阿叔摸貓頭嗰下充滿愛，有時呢個世界就係咁，永遠都係以貌取人。」
不過，也有網民認為大叔的愛貓行用錯方法，「如果俾其他貪心嘅人見到嗰200蚊先，可能已經俾人攞咗。」、「提議佢買罐罐或者貓條，或者直接俾錢老闆代買貓零食俾貓貓」、「阿叔真係有愛心嘅,抵讚，不過佢可以用200買罐罐俾貓貓」。
收藏
取消收藏
分享
