【點新聞報道】歐倩怡（Cindy）今年5月宣布與郭晉安離婚，回復單身的她重返幕前。近期，前夫郭晉安與選美冠軍莊子璇傳出戀情，Cindy亦被追問其態度。
歐倩怡及郭晉安兩人宣布結束18年婚姻已有一段時間，但兩人一舉一動依然備受關注，最近郭晉安被傳跟他年輕37年歲的選美冠軍莊子璇鬧出父女戀，Cindy說：「我無留意新聞，因為最近都係忙緊其他嘢，所以我都唔理解發生咩事，唔係咁方便去評論。」始終兩人都育有一子一女，未知兩個子女有否提過爸爸的緋聞？「咁又無喎，我同仔女之間嘅溝通都係圍繞住吃喝玩樂。」若對方真的有新戀情，她會否送上祝福？「呢件事如果真係發生，大家就會知道我嘅反應啦。」
這天錄映廠還有朱智賢同吳雲甫錄映，朱朱早前因愛犬離世心情久久未能平伏，直至最近才整理好心情重新上載短片，片中她的不斷飲泣，還有爆喊場面：「過去嘅一段間，情緒係有啲問題，好難去創作，原來真係咩都諗唔到，我都好想拍，但完全拍唔到任何嘢，就叫自己放慢腳步，休養一下，因為狗狗過身，我真係好難過，一直都無做任何網上創作，直至最近終於收拾心情，重新出發，突然又有靈感，又可以拍片，我發現自己好鍾意剪片。」拍檔吳雲甫立即邀請她幫手剪片。問到朱朱推出的短片以同居為題，全程有人幫她拍攝，莫非她已找到新歡？「我嘅片一向都係討論兩性關係，講男女朋友，因為我覺得大家鍾意睇呢個題材，大家都感同身受。其實攞攝影機嘅係我工人姐姐，大家放心追我啦，哈哈！」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
