【點新聞報道】「仙氣女神」雲浩影（Cloud）將於8月2日假旺角麥花臣舉行首個個人演唱會《Finding Cloud 雲浩影演唱會2025》，「迷雲黨」（Cloud歌迷暱稱）更會獲得專屬福利，包括Cloud會親手寫上你名字的「To簽小卡」以及「1對1合照」留念。
出道三年，Cloud迎來首個個人演唱會，她興奮表示得知消息後第一個反應是「終於要嚟啦！」因為是她和「迷雲黨」期待已久的一場派對。演唱會海報的背景以天空藍色為主調，Cloud穿上白色背心裙躲於流蘇布景之間，再輕輕探頭猶如邀請大家踏上尋找「雲」的旅程。她說：「演唱會以Chapter形式進行，記錄咗我呢段時間學到同經歷過嘅嘢，希望透過歌曲同大家分享。」
距離演唱會還有個多月的時間，Cloud透露正努力減肥、練氣和訓練膽量。她說：「我上台時經常性會好緊張，然後會手震腳震，所以就去咗跳Bungee Jump練膽，都幾有趣。」回想起月初決定挑戰笨豬跳，Cloud稱之為「俄羅斯練膽大法」，說：「都係一個機緣巧合，當初有計劃宣傳演唱會，想Bungee Jump跳落去時講『我要開演唱會啦！』但我驚到忘記咗，所以跳落去就講咗其他嘢，好似『好叻呀！我做到啦！』當時情緒好激動，好多嘢就講咗出嚟，好開心。呢個Bungee Jump激發到我好多，原來驚都可以做到。」
首次開騷於Cloud絕對是人生大事，假如只有五張門票，Cloud會邀請誰入場見證？她說：「一定係Daddy、媽咪、阿妹，仲有兩張飛我想請公公同婆婆，佢哋喺海南島加上年紀大，唔知佢哋會唔會搭飛機過嚟，但都好想佢哋睇到。」
售票詳情
票價：HK $1500 (VIP)/1080/680
東亞銀行信用卡優先訂票
優先購票日期：2025年6月25日（上午10時）至6月27日（晚上11時59分）
（點新聞特約記者陳惠芳報道）
收藏
分享
