【點新聞報道】近日，有網民在facebook群組「車cam L（香港群組）」上傳相片指在港鐵看到車廂車門旁擺着白色雲石紋茶几，網民紛紛戲稱車廂秒變餐車，「來一杯泡沫咖啡，再加一件Cheesecake（芝士蛋糕）」。
上傳相片顯示，設計精美的茶几孤伶伶地緊靠車門左側。樓主笑稱「港鐵幾時加咗張枱，如果有埋張櫈同侍應就正喇」。
帖文引起網民熱議，有網民笑言「餐車」、「貼心設計」、「放咖啡用」、「可以搭枱喎」、「車長，俾杯橙汁嚟飲下」、「有奶茶三文治就完美啦」、「有埋杯雜果賓治咁就Very good La（非常好啦）」。有網民表示「方便學生做功課」、「小妹妹可以係度做功課」。另有網民分享同類案例，指曾見有乘客搬運大型床褥入車廂。亦有網民批評此行為，表示「真係入得到閘就當你贏」、「現在好像真的：搬屋搬寫字樓搵港鐵啦！」、「其實唔明點解啲人唔叫gogovan（客貨車），搭地鐵自己搬上搬落30幾度，我寧願俾百零蚊點對點」。有網民則建議此行為應被收費，「一於收費啦；每架單車收$1000，每張細枱收$500，每張櫈收$300！！啲人自然會自律㗎喇！」。
收藏
取消收藏
分享
稿件由上傳 · 文責自負 · 不代表本網立場
