【點新聞報道】藝人張致恒（Steven）和老婆區燕雯（雯雯）一家六口長期陷於財困，欠落一身債，更曾多次無錢交租，被截水截電，幸好獲有心人幫助。不過，雯雯日前在IG限時動態發文自爆「終於做租霸，我都預咗有報應，但呢刻我未路行」，隨後又補充「唔係無交，係未交齊。」
雯雯上月曾透露走投無路，指每個月租金額1.5萬元，但揚言不再強求別人幫忙，「15000呢啲數字以前見到會不斷諗求邊個，自從知道自己身體有計時器又何必去強求繼續生存」，「要過到自然會過到，上天自然會有安排，既然安排今個月不足夠，交唔到租，我地亦齊上齊落一齊接受，亦不再強求人去幫」。雯雯早前透露自己心臟有問題，大嘆生命突然多咗個計時器，而禍不單行是其中一名兒子確診哮喘，令她感到好焦慮。
而Steven上月曾在IG發文公開問網民借錢，「我好需要一個工作機會，今日必須要6800，幫幫忙。」查實Steven做過地盤、食肆、街頭派傳單、情趣用品店做售貨員、網上帶貨等等，但就冇一份工做得長。
Steven曾在受訪時透露，目前每個月的家庭開支超過3萬元，當中包括萬多元屋租、數千元的燈油火蠟、工人姐姐的5000元人工，還有小朋友的奶粉、尿片，以及一家人的飲食及使費等。他坦言早已申請公屋，目前正在輪候。
收藏
取消收藏
分享
稿件由上傳 · 文責自負 · 不代表本網立場
