【點新聞報道】不少移英港人最愛晒命炫富，據聞有家長吹噓自己女兒自細就淨係識講英文，中文字都唔識多隻，所以情願早啲全家移民英國，仲已經在當地置業喎，但原來他們一家只是原本居於將軍澳新寶城的普通家庭。結果惹來不少網民揶揄「一般人扮有錢人」、「住將軍澳返咩學校搞到唔識中文呀？」。
有移英港人在社交平台threads以『痴L線香港人系列』發文，其中一篇原文照錄了一段港人對話：「問：『係喎，你為乜想全家移民來英國？』答：『無吖，都係啲女話想過嚟。』問：『乜佢哋咁早熟，咁快就想過嚟英國。』答：『係呀，佢哋自細就淨係識講英文，中文字都唔識多隻，情願早啲過嚟英國好過啦。』問（心諗：有冇咁L誇）：『你咁話齋，佢哋適應一定無問題啦？』答：『都有少少障礙架，之前晌香港係自住樓，來到呢度要住屋，佢哋好擔心我哋變咗好窮，我要解釋左好多次。』問（心諗：真心痴L線架喎）：『你⋯⋯晌香港住喺帝景園？定數碼港？』答：『傻啦，將軍澳新寶城咋』」。
有移英網民看完後，直指是另類晒命對話，「廣東話譯廣東話版本： 個女英文好過中文，所以同爸爸媽媽講想嚟英國，但爸爸媽媽買咗自住屋，所以又變窮」、『一般人扮有錢人』、『住將軍澳返咩學校攪到唔識中文呀？』。
不過亦有網民質疑帖文的真偽，「如果係真，我覺得個香港人真心痴線；如果係假，我覺得你作到出黎都痴線 」，樓主就回應「點作得出，咁假嘅嘢 」。
收藏
取消收藏
分享
稿件由上傳 · 文責自負 · 不代表本網立場
