【點新聞報道】又有乘客違例攜帶大型電動單車進入港鐵範圍！有港鐵乘客日前目擊一名大叔攜帶1輛大型電動單車進入車廂，被職員發現後，竟以「冇工具所以拆唔到轆」為由，拒絕合作。
該名港鐵乘客在社交平台threads上載多張相片，可見一名戴鴨舌帽的大叔，攜帶1輛大型電動單車進入車廂，身旁有一名港鐵男職員，手持一部對講機似在匯報情況，並一度指向電動單車的前輪。樓主寫道：「阿叔話冇工具所以拆唔到轆」，即當港鐵職員要求大叔按規定拆除單車前輪。最後，「職員陪咗幾個站之後，美孚站捉咗落車」。
帖文引起網民熱議，「拆唔到就唔好搭囉 」、「拆唔到就落車啦」、「遲早一鑊熟 」、「講真，就算拆轆都好阻到其他人，有好多仲係唔識去車頭或車尾，就更阻」、「有錢買單車，冇錢買架撐，買個色士或者六角匙廿蚊夠你找呢」、「電動單車都上得，下次推架錦羊仔上去 」。
有網民則認為應報警處理，「成架電車…叫警察嚟，捉佢改車 」、「電動單車，根本已經不合法重要進入地鐵站地鐵車廂內，發告票罰款或報警處理啦！以儆效尤！」
根據《港鐵附例》，任何人不得將單車、電單車或其他類似的運輸工具進入港鐵範圍，有關行為有可能影響鐵路安全。現時，乘客如欲攜帶單車乘搭港鐵，必須摺合單車或拆除單車前車輪，以確保其符合運載行李的規定。
收藏
取消收藏
分享
稿件由上傳 · 文責自負 · 不代表本網立場
