【點新聞報道】不少移英港人都希望有個安身之所，動輒花上數百萬，一旦誤購死人盤非常掃興。有移英港人分享差點中伏的經驗，指自己前年睇個租盤，三房都幾吸引，不過入到屋感覺麻麻，雖然經紀無講，但最後證實真係一個死人盤，樓主立即打退堂鼓，直呼「咪搞」！
該名移英港人在社交平台分享英國睇樓經驗，直指「死人盤當食菜」。他表示，「前年睇個租盤，三房都幾吸引，不過入到屋感覺麻麻。有種唔想我逗留的感覺」，而且回要揸四個鐘頭車。
樓主於是向經紀查問租盤的背景，對方透露前租客住咗14年，「香港人思想就係住咗十四年做乜唔住？唯一可能就係對上個租客過咗身⋯⋯我又唔使求證，我嘅直覺就係最正確嘅答案」。最後經紀無講，但就被樓主講中，「真係一個死人盤，之後個經紀仲減價想我租」。樓主立即打退堂鼓「咪搞」、「就算自然死亡，如果有心事未了，咁點算？ 」
帖文引來不少移英網民七嘴八舌討論，「凶宅唔係指間屋入面有人非自然死亡咩？ 如果上手住客過身間屋就算凶宅，咁歐洲啲建築物閒閒地過百年歷史咪周街都係凶宅？」、「放心，如果病死個種都算凶宅，咁舊屋好多都會係凶宅，因為呢邊興喺屋企過身」、「其實如果係自然死亡根本冇需要大驚小怪 」、「就算有鬼都未必聽得明佢地講嘢」。
有網民則建樓主買新樓，「咁介意咁除咗買新樓都冇乜其他選擇」、「買新樓，煩惱少咁啲 」、「就算唔係凶宅，個盤咁污糟，要花好多時間清潔整理。再者，要來回四個鐘，除非生活圈喺嗰度，如果唔係都唔值得租。」
收藏
取消收藏
分享
稿件由上傳 · 文責自負 · 不代表本網立場
